Category Archives: Kannada

ಗೀತಾರ್ಥ ಸಂಗ್ರಹಮ್ – 6

Published by:


ಶ್ರೀಃ ಶ್ರೀಮತೇ ಶಠಕೋಪಾಯ ನಮಃ ಶ್ರೀಮತೇ ರಾಮಾನುಜಾಯ ನಮಃ ಶ್ರೀಮತ್ ವರವರಮುನಯೇ ನಮಃ

ಗೀತಾರ್ಥ ಸಂಗ್ರಹಮ್

<< ಹಿಂದಿನ ಶೀರ್ಷಿಕೆ

ಕರ್ಮ ಜ್ಞಾನ ಭಕ್ತಿಯೋಗಗಳ ವಿವರಣೆ

ಶ್ಲೋಕಮ್ – 23

ಕರ್ಮಯೋಗಸ್ತಪಸ್ತೀರ್ಥದಾನಯಜ್ಞಾದಿಸೇವನಮ್।
ಜ್ಞಾನಯೋಗೋಜಿತಸ್ವಾಂತೈಃ ಪರಿಶುದ್ಧಾತ್ಮನಿ ಸ್ಥಿತಿಃ॥

ಪದದಿಂದ ಪದಗಳ ಅರ್ಥ

ಕರ್ಮಯೋಗಃ – ಕರ್ಮಯೋಗವು
ತಪಸ್ ತೀರ್ಥ ದಾನ ಯಜ್ಞಾದಿ ಸೇವನಮ್ – ತಪಸ್ಸು, ತೀರ್ಥಯಾತ್ರೆ, ದಾನ, ಯಜ್ಞ ಯಾಗ ಮುಂತಾದುವುಗಳಲ್ಲಿ ಸದಾ ಮುಳುಗಿರುವುದು
ಜ್ಞಾನಯೋಗಃ – ಜ್ಞಾನಯೋಗವು
ಜಿತಸ್ವಾಂತೈಃ – ತನ್ನ ಮನಸ್ಸಿನ ಮೇಲೆ ತಾನು ವಿಜಯ ಸಾಧಿಸಿದವನು
ಪರಿಶುದ್ಧಾತ್ಮನಿ ಸ್ಥಿತಿಃ – ಆತ್ಮದಲ್ಲೇ ಪೂರ್ತಿಯಾಗಿ ಮನಸ್ಸನ್ನು ಹೊಂದಿ , ಅದು ಲೌಕಿಕ ಶರೀರಕ್ಕೆ ಸಂಬಂಧವಿಲ್ಲವೆಂದು ತಿಳಿದು

ಸರಳ ವಿವರಣೆ

ಕರ್ಮಯೋಗವು ತಪಸ್ಸು, ತೀರ್ಥಯಾತ್ರೆ, ದಾನ, ಯಜ್ಞ ಮುಂತಾದುವುಗಳಲ್ಲಿ ಸದಾ ಮುಳುಗಿರುವುದು. ಜ್ಞಾನಯೋಗವು ತನ್ನ ಬುದ್ಧಿಯ ಮೇಲೆ ತಾನು ವಿಜಯ ಸಾಧಿಸಿದವನು ಅಭ್ಯಾಸಿಸುವುದು ಮತ್ತು ಪೂರ್ತಿಯಾಗಿ ಮನಸ್ಸನ್ನು ಆತ್ಮದಲ್ಲೇ ಹೊಂದಿ ಅದು ಲೌಕಿಕ ಶರೀರಕ್ಕೆ ಸಂಬಂಧವಿಲ್ಲವೆಂದು ತಿಳಿದಿರುವುದು.

ಶ್ಲೋಕ – 24

ಭಕ್ತಿಯೋಗಃ ಪರೈಕಾಂತಪ್ರೀತ್ಯ ಧ್ಯಾನಾದಿಶು ಸ್ಥಿತಿಃ ।
ತ್ರಯಾಣಾಮಪಿ ಯೋಗಾನಾಮ್ ತ್ರಿಭಿಃ ಅನ್ಯೋನ್ಯ ಸಂಗಮಃ॥

lakshminarasimha-and-prahlada
ಭಕ್ತ್ತಿಯೋಗಿಗಳಲ್ಲಿ ಪ್ರಧಾನನಾದವನು – ಪ್ರಹ್ಲಾದ

ಕೇಳಿ

ಪದದಿಂದ ಪದಗಳ ಅರ್ಥ

ಭಕ್ತಿಯೋಗಃ – ಭಕ್ತಿಯೋಗವು
ಪರೈಕಾಂತಪ್ರೀತ್ಯ – ಪರಮಾತ್ಮನಾದ ಶ್ರೀಮನ್ನಾರಾಯಣರ ಮೇಲಿನ ಪ್ರೀತಿ
ಧ್ಯಾನಾದಿಶು ಸ್ಥಿತಿಃ – ಅವನನ್ನೇ ಪೂರ್ತಿ ಸ್ಮರಿಸುತ್ತಾ, ಪೂಜಿಸುತ್ತಾ, ನಮಸ್ಕರಿಸುತ್ತಾ ಮುಂತಾದುವುಗಳು
ತ್ರಯಾಣಾಮಪಿ ಯೋಗಾನಾಂ- ಈ ಮೂರು ಯೋಗಗಳು, ಅವು ಕರ್ಮ,ಜ್ಞಾನ, ಮತ್ತು ಭಕ್ತಿ
ಅನ್ಯೋನ್ಯ ಸಂಗಮಃ – ಪ್ರತಿಯೊಂದು ಯೋಗದಲ್ಲಿಯೂ ಅನ್ಯ ಎರಡು ಯೋಗಗಳು ಅಂತರ್ಗತವಾಗಿ ಮಿಲನವಾಗಿರುವುದು

ಸರಳ ವಿವರಣೆ

ಭಕ್ತಿಯೋಗವೆನ್ನುವುದು ಪರಮಾತ್ಮ ಶ್ರೀಮನ್ನಾರಾಯಣರ ಮೇಲೆ ಪ್ರೀತಿಯಿಂದ ಇರುವುದು ಮತ್ತು ಪೂರ್ತಿಯಾಗಿ ಅವನನ್ನೇ ಮನಸ್ಸಿನಲ್ಲಿ ಸ್ಥಾಪಿಸಿ ಧ್ಯಾನಿಸುವುದು, ಪೂಜಿಸುವುದು, ನಮಸ್ಕಾರಗಳನ್ನು ಸಮರ್ಪಿಸುವುದು ಮುಂತಾದುವುಗಳು. ಪ್ರತಿಯೊಂದು ವಿಧದ ಯೋಗದಲ್ಲಿ (ಕರ್ಮ, ಜ್ಞಾನ ಮತ್ತು ಭಕ್ತಿ) , ಮಿಕ್ಕ ಎರಡು ಯೋಗಗಳು ಅಂತರ್ಗತವಾಗಿ ಮಿಲನವಾಗಿರುತ್ತದೆ.

ಶ್ಲೋಕ – 25

ನಿತ್ಯ ನೈಮಿತ್ತಿಕಾನಾಮ್ ಪರಾರಾಧನ ರೂಪಿಣಾಮ್ ।
ಆತ್ಮದೃಷ್ಟೇಸ್ ತ್ರಯೋಪ್ಯೇತೇ ಯೋಗದ್ವಾರೇಣ ಸಾಧಕಾಃ ॥

Sandhyavandanam

ಕೇಳಿ

ಪದದಿಂದ ಪದಗಳ ಅರ್ಥ

ಪರಾರಾಧನ ರೂಪಿಣಾಮ್ – ಪರಮ ಪುರುಷನ ರೂಪದಲ್ಲಿರುವ ಶ್ರೀಮನ್ನಾರಾಯಣರ ಪೂಜೆಯನ್ನು ಮಾಡುವುದು
ನಿತ್ಯ ನೈಮಿತ್ತಿಕಾಣಾಮ್ ಚ – ನಿತ್ಯಕರ್ಮ ಮತ್ತು ನೈಮಿತ್ತಿಕ ಕರ್ಮ (ಹಿಂದಿನ ಶ್ಲೋಕದಲ್ಲಿ ಹೇಳಿರುವಂತೆ ತ್ರಿಭಿಃ ಸಂಗಮಃ)
ಏತ ತ್ರಯ ಅಪಿಃ – ಈ ಮೂರೂ ಯೋಗಗಳು
ಯೋಗ ದ್ವಾರೇಣ – ಸಮಾಧಿ ಸ್ಥಿತಿಗೆ ತಲುಪಲು (ಸಂಪೂರ್ಣ ಶಾಂತಿ , ಮನಸ್ಸಿನ ಕೇಂದ್ರೀಕರಣ ಮತ್ತು ಪೂರ್ತಿ ಹಿಡಿತ)ಆತ್ಮ ದೃಷ್ಟೇಃ – ಆತ್ಮ ಸಾಕ್ಷಾತ್ಕಾರಕ್ಕಾಗಿ (ನಮ್ಮನ್ನು ನಾವು ಅರಿಯಲು)
ಸಾಧಕಃ – ಇವುಗಳು ಮಾರ್ಗಗಳಾಗಿವೆ

ಸರಳ ವಿವರಣೆ

ಪರಮಪುರುಷನನ್ನು (ಶ್ರೀಮನ್ನಾರಾಯಣರನ್ನು ) ಪೂಜಿಸುವುದು, ನಿತ್ಯಕರ್ಮ ಮತ್ತು ನೈಮಿತ್ತಿಕ ಕರ್ಮ (ಮೂರು ಯೋಗಗಳು) , ಇವುಗಳು ಆತ್ಮಸಾಕ್ಷಾತ್ಕಾರಮ್ (ತನ್ನನ್ನು ತಾನು ಅರಿಯಲು) , ಸಮಾಧಿ ಸ್ಥಿತಿಗೆ ತಲುಪಲು (ಸಂಪೂರ್ಣ ಶಾಂತಿ , ಮನಸ್ಸಿನ ಕೇಂದ್ರೀಕರಣ ಮತ್ತು ಪೂರ್ತಿ ಹಿಡಿತಕ್ಕೆ ) ಮಾರ್ಗಗಳಾಗಿವೆ.

ಶ್ಲೋಕ – 26

ನಿರಸ್ತ ನಿಖಿಲಾಜ್ಞಾನೋ ದೃಷ್ಟ್ವಾತ್ಮಾನಮ್ ಪರಾನುಗಮ್।
ಪ್ರತಿಲಭ್ಯ ಪರಾಮ್ ಭಕ್ತಿಮ್ ತಯೈವಾಪ್ನೋತಿ ತತ್ಪದಮ್॥

srinivasar-garudan-hanuman

ಕೇಳಿ

ಪದದಿಂದ ಪದಗಳ ಅರ್ಥ

ನಿರಸ್ತ ನಿಖಿಲ ಅಜ್ಞಾನೋ – ಎಲ್ಲಾ ರೀತಿಯ ಅಜ್ಞಾನದಿಂದ ಬಿಡುಗಡೆ (ಮಾರ್ಗವನ್ನು ಅನುಸರಿಸಲು ತೊಂದರೆಯಾಗಿರುವ)
ಪರಾನುಗಮ್ – ಪರಮಪುರುಷನಿಗೆ (ಶ್ರೀಮನ್ನಾರಾಯಣರಿಗೆ ) ಸೇವಕನಾಗಿರುವುದು
ಆತ್ಮಾನಮ್ – ಯಾರೊಬ್ಬರ ಅಂತರ್ಗತ ಸ್ವಭಾವ
ದೃಷ್ಟ್ವಾ – ಅವಲೋಕಿಸಿದಾಗ
ಪರಾಮ್ ಭಕ್ತಿಮ್ – ಶುದ್ಧವಾದ ಭಕ್ತಿ
ಪ್ರತಿಲಭ್ಯ – ಹೊಂದುವುದು
ತಯಾ ಏವ – ಆ ಶುದ್ಧವಾದ ಭಕ್ತಿಯ ಮೂಲಕ
ತತ್ ಪದಮ್ – ಎಂಪೆರುಮಾನರ ಪಾದ ಕಮಲಗಳು
ಆಪ್ನೋತಿ – ತಲುಪುವುದು

ಸರಳ ವಿವರಣೆ

ಜೀವಾತ್ಮವು ತನ್ನ ಎಲ್ಲಾ ಅಜ್ಞಾನಗಳಿಂದ (ಮಾರ್ಗವನ್ನು ಅನುಸರಿಸಲು ತೊಂದರೆಯಾಗಿರುವ) ಬಿಡಿಸಿಕೊಂಡು ಮತ್ತು ತನ್ನನ್ನು ತಾನು ಅವಲೋಕಿಸಿಕೊಂಡಾಗ , ತನ್ನ ಅಂತರ್ಗತ ಸ್ವಭಾವ ಪರಮಪುರುಷನ (ಶ್ರೀಮನ್ನಾರಾಯಣರ) ಸೇವಕನಾಗಿರುವುದು ಮನಗಂಡಾಗ ಅವನು ಶುದ್ಧವಾದ ಭಕ್ತಿಯನ್ನು ಹೊಂದುತ್ತಾನೆ ಮತ್ತು ಆ ಭಕ್ತಿಯ ಮೂಲಕ ಎಂಪೆರುಮಾನರ ಪಾದಕಮಲಗಳನ್ನು ಸೇರುತ್ತಾನೆ.

ಶ್ಲೋಕ – 27

ಭಕ್ತಿಯೋಗಸ್ ತದಾರ್ಥೀ ಚೇತ್ ಸಮಗ್ರೈಶ್ವರ್‍ಯ ಸಾಧಕಃ ।
ಆತ್ಮಾರ್ಥೀ ಚೇತ್ ತ್ರಯೋಪ್ಯೇತೇ ತತ್‍ಕೈವಲ್ಯಸ್ಯ ಸಾಧಕಾಃ ॥

dhevas-worshipping-vishnu-2

ಕೇಳಿ

ಪದದಿಂದ ಪದಗಳ ಅರ್ಥ

ಭಕ್ತಿಯೋಗಃ – ಭಕ್ತಿಯೋಗ
ತದಾರ್ಥೀ ಚೇತ್ – ಅತ್ಯಂತ ಸಂಪತ್ತಿಗಾಗಿ ಆಸೆ ಪಡುವವನು
ಸಮಗ್ರೈಶ್ವರ್‍ಯ ಸಾಧಕಃ – ಅವನಿಗೆ ಸಂಪತ್ತು ಕೊಡಲಾಗುವುದು
ಏತೇ ತ್ರಯಃ ಅಪಿ – ಈ ಎಲ್ಲಾ ಮೂರು ಯೋಗಗಳು
ಆತ್ಮಾರ್ಥೀ ಚೇತ್ – ತನ್ನ ಆತ್ಮವನ್ನು ತಾನು ಸಂತೋಷಪಡಲು ಇಚ್ಛಿಸಿದರೆ
ತತ್ ಕೈವಲ್ಯಸ್ಯ ಸಾಧಕಾಃ – ಆತ್ಮ ಸಂತೋಷವಾದ ಕೈವಲ್ಯ ಮೋಕ್ಷವನ್ನು ಕೊಡಲಾಗುವುದು

ಸರಳ ವಿವರಣೆ

ಯಾರೊಬ್ಬರು ಅತೀ ಸಂಪತ್ತಿಗಾಗಿ ಆಸೆ ಪಟ್ಟರೆ, ಭಕ್ತಿಯೋಗವು ಸಂಪತ್ತನ್ನು ಕೊಡುವುದು. ಈ ಎಲ್ಲಾ ಮೂರು ಯೋಗಗಳು ತನ್ನನ್ನು ತಾನು ಸಂತೋಷ ಪಡಲು ಇಚ್ಛಿಸಿದರೆ ಕೈವಲ್ಯಮೋಕ್ಷವನ್ನು ಕೊಡುವುದು.

ಶ್ಲೋಕ – 28

ಐಕಾಂತ್ಯಮ್ ಭಗವತ್ಯೇಷಾಮ್ ಸಮಾನಮಧಿಕಾರಣಾಮ್।
ಯಾವತ್ಪ್ರಾಪ್ತಿ ಪರಾರ್ಥೀ ಚೇತ್ ತದೇವಾತ್ಯಂತಮಶ್ನುತೇ॥

namperumal-thiruvadi

ಕೇಳಿ

ಪದದಿಂದ ಪದಗಳ ಅರ್ಥ

ಏಶಾಮ್ ಅಧಿಕಾರಿಣಾಮ್ – ಈ ಎಲ್ಲಾ ಮೂರು ವಿಧವಾದ ಅರ್ಹ ಜನಗಳಿಗೆ (ಮೂರು ವಿಧದ ಯೋಗಗಳಲ್ಲಿ ವ್ಯಸ್ತರಾಗಿರುವ)
ಭಗವತಿ – ಭಗವಂತನಲ್ಲಿ
ಐಕಾಂತ್ಯಮ್ – ಭಗವಂತನಲ್ಲಿ ಮಾತ್ರ ಭಕ್ತಿ ಹೊಂದಿರುವುದು ಇನ್ನೆಲ್ಲಾ ದೇವತೆಗಳನ್ನು ಬಿಟ್ಟು
ಸಮಾನಮ್ – ಸಾಧಾರಣ
ಯಾವತ್ಪ್ರಾಪ್ತಿ – ಫಲಿತಾಂಶವನ್ನು ಹೊಂದಲು ಮುಂದೆಯೇ
ಪರಾರ್ಥೀ ಚೇತ್ – ಪರಮಪುರುಷ (ಶ್ರೀಮನ್ನಾರಾಯಣರ) ಪಾದಕಮಲಗಳನ್ನು ಸೇರಬಯಸಿದರೆ
ತತ್ ಏವ – ಆ ಪಾದಕಮಲಗಳೇ
ಅತ್ಯಂತಂ – ಯಾವಾಗಲೂ
ಅಶ್ನುತೇ – ಹೊಂದುತ್ತಾನೆ (ಭಕ್ತಿಯೋಗದಿಂದ ಉಪಾಸಕ ಜ್ಞಾನಿಯು ಕೊನೆಯವರೆಗೆ ಸಾಧಿಸಿದರೆ , ಎಂಪೆರುಮಾನರ ಪಾದಕಮಲಗಳನ್ನು ಪಡೆಯುತ್ತಾನೆ)

ಸರಳ ವಿವರಣೆ

ಅನ್ಯದೇವತೆಗಳನ್ನು ಬಿಟ್ಟು ಭಗವಂತನಲ್ಲಿ ಮಾತ್ರ ಭಕ್ತಿಯನ್ನು ಹೊಂದಿರುವುದು – ಇದು ಮೂರು ರೀತಿಯ ಅರ್ಹತೆಯುಳ್ಳ ಜನಗಳಿಗೆ ಇರುವ ಸಾಮಾನ್ಯವಾದ ವಿಷಯ (ಮೂರು ರೀತಿಯ ಯೋಗಗಳಲ್ಲಿ ವ್ಯಸ್ತವಾಗಿರುವುದು) .ತಮ್ಮ ಆಸೆಯ ಪ್ರಕಾರ ಸಂಪತ್ತು ಮತ್ತು ಆತ್ಮಸಂತೋಷವನ್ನು ಹೊಂದುವ ಮೊದಲೇ , ತಮ್ಮ ಮನಸ್ಸನ್ನು ಬದಲಾಯಿಸಿ ಅವರು ಪರಮಪುರುಷನ (ಶ್ರೀಮನ್ನಾರಾಯಣರ) ಪಾದಕಮಲಗಳನ್ನು ಸೇರ ಬಯಸಿದರೆ, ಅವರು ಆ ಪಾದಕಮಲಗಳನ್ನೇ ಸೇರುತ್ತಾರೆ. (ಭಕ್ತಿಯೋಗವನ್ನು ಅಭ್ಯಾಸಿಸುವ ಉಪಾಸಕ ಜ್ಞಾನಿಯು ಕೊನೆಯವರೆಗೆ ಸಾಧನೆಯನ್ನು ಮಾಡಿದರೆ , ಎಂಪೆರುಮಾನರ ದಿವ್ಯ ಪಾದಕಮಲವನ್ನೇ ಸೇರುತ್ತಾನೆ ಎಂಬುದನ್ನು ಗಮನಿಸಬೇಕು.)

ಅಡಿಯೇನ್ ಕುಮುದವಲ್ಲಿ ರಾಮಾನುಜ ದಾಸಿ

ಮೂಲ : http://githa.koyil.org/index.php/githartha-sangraham-6/

ಆರ್ಕೈವ್ ಮಾಡಲಾಗಿದೆ –  http://githa.koyil.org

ಪ್ರಮೇಯಂ (ಲಕ್ಷ್ಯ) – http://koyil.org
ಪ್ರಮಾಣಂ (ಧರ್ಮಗ್ರಂಥಗಳು) – http://granthams.koyil.org
ಪ್ರಮಾತಾ (ಭೋಧಕರು) – http://acharyas.koyil.org
ಶ್ರೀವೈಷ್ಣವ ಶಿಕ್ಷಣ/ಮಕ್ಕಳ ಪೋರ್ಟಲ್ – http://pillai.koyil.org





ಗೀತಾರ್ಥ ಸಂಗ್ರಹಮ್ – 5

Published by:

ಶ್ರೀಃ ಶ್ರೀಮತೇ ಶಠಕೋಪಾಯ ನಮಃ ಶ್ರೀಮತೇ ರಾಮಾನುಜಾಯ ನಮಃ ಶ್ರೀಮತ್ ವರವರಮುನಯೇ ನಮಃ

ಗೀತಾರ್ಥ ಸಂಗ್ರಹಮ್

<< ಹಿಂದಿನ ಶೀರ್ಷಿಕೆ

ಕೊನೆಯ 6 ಅಧ್ಯಾಯಗಳ ತಾತ್ಪರ್‍ಯ

ಶ್ಲೋಕ – 17

ದೇಹಸ್ವರೂಪಮಾತ್ಮಾಪ್ತಿಹೇತುರಾತ್ಮವಿಶೋಧನಮ್ ।
ಬಂಧ ಹೇತುರ್ವಿವೇಕಶ್ಚ ತ್ರಯೋದಶ ಉಧೀರ್‍ಯತೇ ॥

soul-body-difference

ಕೇಳಿ

ಪದದಿಂದ ಪದಗಳ ಅರ್ಥ

ದೇಹ ಸ್ವರೂಪಮ್ – ದೇಹದ ಸ್ವರೂಪ
ಆತ್ಮಾಪ್ತಿ ಹೇತುಃ – ಜೀವಾತ್ಮದ ಸ್ವರೂಪವನ್ನು ಹೊಂದಲು ಇರುವ ಮಾರ್ಗ
ಆತ್ಮವಿಶೋಧನಮ್ – ಆತ್ಮದ ಬಗ್ಗೆ ವಿಚಾರಿಸಿ ತಿಳಿದುಕೊಳ್ಳುವುದು
ಬಂಧ ಹೇತುಃ – ಬಂಧನಕ್ಕೆ ಕಾರಣವಾಗಿರುವುದು (ಆತ್ಮವು (ಚಿತ್) ದೇಹದೊಂದಿಗೆ (ಅಚಿತ್))
ವಿವೇಕಃ ಚ – ಪ್ರತ್ಯೇಕಿಸುವ ವಿಧಾನ (ಆತ್ಮ ಮತ್ತು ಅಚಿತ್ ಆದ ದೇಹದೊಂದಿಗೆ)
ತ್ರಯೋದಶೇ – ಹದಿಮೂರನೇ ಅಧ್ಯಾಯದಲ್ಲಿ
ಉಧೀರ್‍ಯತೇ – ಹೇಳಲಾಗಿದೆ

ಸರಳ ವಿವರಣೆ

ಹದಿಮೂರನೇ ಅಧ್ಯಾಯದಲ್ಲಿ ದೇಹದ ಸ್ವಭಾವ ಜೀವಾತ್ಮದ ನಿಜ ಸ್ವರೂಪವನ್ನು ಹೊಂದುವ ದಾರಿ, ಬಂಧನಕ್ಕೆ ಕಾರಣಗಳು (ಆತ್ಮದ (ಚಿತ್) ಜೊತೆಗೆ ದೇಹ (ಅಚಿತ್)) ಮತ್ತು ಅವುಗಳನ್ನು ಪ್ರತ್ಯೇಕಿಸುವ ವಿಧಾನ (ಆತ್ಮ ಮತ್ತು ಅಚಿತ್) ಇವೆಲ್ಲವನ್ನೂ ಹೇಳಲಾಗಿದೆ.

ಶ್ಲೋಕ – 18

ಗುಣಬಂಧವಿಧಾ ತೇಶಾಮ್ ಕರ್ತೃತ್ವಮ್ ತನ್ನಿವರ್ತನಮ್ ।
ಗತಿತ್ರಯಸ್ವಮೂಲತ್ವಮ್ ಚತುರ್ದಶ ಉಧೀರ್‍ಯತೇ ॥

Vishnu-art-1

ಕೇಳಿ

ಪದದಿಂದ ಪದಗಳ ಅರ್ಥ

ಗುಣ ಬಂಧ ವಿಧಾ – ಮೂರು ವಿಧವಾದ ಗುಣಗಳು ಯಾವುವೆಂದರೆ ಸತ್ವಮ್, ರಜಸ್ ಮತ್ತು ತಮಸ್ – ಈ ಸಂಸಾರದಲ್ಲಿ ಬಂಧಿಸುತ್ತವೆ. (ಲೌಕಿಕ ಕ್ಷೇತ್ರದಲ್ಲಿ)
ತೇಶಾಮ್ ಕರ್ತೃತ್ವಮ್ – ಆ ಗುಣಗಳ ಸ್ವಭಾವವು ಕ್ರಿಯೆಗಳಿಗೆ ಕಾರಣವಾಗುತ್ತದೆ.
ತಾನ್ ನಿವರ್ತನಮ್ – ಆ ಗುಣಗಳನ್ನು ನಿವಾರಿಸುವ ಬಗೆ
ಗತಿ ತ್ರಯಸ್ವ ಮೂಲತ್ವಮ್ – ಭಗವಂತನು ತಾನೇ ಆ ಮೂರು ರೀತಿಯ ಫಲಿತಾಂಶಕ್ಕೆ ಮೂಲಸ್ವರೂಪನಾಗಿರುವುದು. (ಲೌಕಿಕ ಸಂಪತ್ತು, ತನ್ನನ್ನು ತಾನೇ ಆನಂದಿಸುವುದು ಮತ್ತು ಭಗವಂತನನ್ನು ಹೊಂದುವುದು)
ಚತುರ್ದಶೇ – ಹದಿನಾಲ್ಕನೆಯ ಅಧ್ಯಾಯದಲ್ಲಿ
ಉದೀರ್‍ಯತೇ – ಹೇಳಲಾಗಿದೆ

ಸರಳ ವಿವರಣೆ

ಹದಿನಾಲ್ಕನೆಯ ಅಧ್ಯಾಯದಲ್ಲಿ ಮೂರು ರೀತಿಯ ಗುಣಗಳು – ಸತ್ವಮ್, ರಜಸ್ ಮತ್ತು ತಮಸ್ ಹೇಗೆ ಈ ಸಂಸಾರದ ಬಂಧನದಲ್ಲಿ ಸಿಲುಕಿಸುತ್ತವೆ (ಲೌಕಿಕ ಕ್ಷೇತ್ರದಲ್ಲಿ) , ಆ ಗುಣಗಳ ಸ್ವಭಾವವು ವಿವಿಧ ಕ್ರಿಯೆಗೆ ಕಾರಣವಾಗುತ್ತವೆ, ಆ ಗುಣಗಳನ್ನು ನಿರ್ಮೂಲನೆ ಮಾಡುವ ವಿಧಾನ ಮತ್ತು ಭಗವಂತನೇ ಮೂರು ರೀತಿಯ ಫಲಿತಾಂಶಕ್ಕೆ ಮೂಲ ಸ್ವರೂಪನಾಗಿರುವುದನ್ನು (ಹೇರಳ ಲೌಕಿಕ ಸಂಪತ್ತು, ತನ್ನನ್ನು ತಾನೇ ಆನಂದಿಸುವುದು ಮತ್ತು ಭಗವಂತನನ್ನು ಪಡೆಯುವುದು ) ಇವುಗಳನ್ನು ಹೇಳಲಾಗಿದೆ.

ಶ್ಲೋಕ – 19

ಅಚಿನ್ಮಿಶ್ರಾಧ್ವಿಶುದ್ಧಾಚ್ಛ ಚೇತನಾತ್ ಪುರುಷೋತ್ತಮಃ ।
ವ್ಯಾಪನಾತ್ ಭರಣಾತ್ ಸ್ವಾಮ್ಯಾತ್ ಅನ್ಯಃ ಪಂಚದ ಶೋಧಿತಃ॥

antharyami

ಕೇಳಿ

ಪದದಿಂದ ಪದಗಳ ಅರ್ಥ

ಅಚಿನ್ ಮಿಶ್ರಾದ್ (ಚೇತನಾತ್) – ಅಚಿತ್ ಆದ ದೇಹಕ್ಕೆ ಅಂತಿಕೊಂಡಿರುವ ಬದ್ಧ ಜೀವಾತ್ಮಕ್ಕಿಂತಲೂ (ಬಂಧಿತ ಆತ್ಮ) ಮೇಲು
ವಿಶುದ್ಧಾತ್ ಚೇತನಾತ್ ಚ್ – ಪ್ರಾಕೃತ ಶರೀರ (ಲೌಕಿಕ ದೇಹ) ವನ್ನು ಬಿಟ್ಟಿರುವ ಮುಕ್ತ ಜೀವಾತ್ಮಕ್ಕಿಂತಲೂ ಮೇಲು.
ವ್ಯಾಪನಾತ್ – ವ್ಯಾಪಿಸಿಕೊಂಡಿರುವ
ಭರಣಾತ್ – ಅವುಗಳನ್ನು ಸಹಿಸಿಕೊಂಡಿರುವ
ಸ್ವಾಮ್ಯಾತ್ – ಅವರೆಲ್ಲರಿಗೂ ಸ್ವಾಮಿಯಾಗಿರುವ
ಅನ್ಯಃ – ವಿಭಿನ್ನವಾಗಿರುವ
ಪುರುಷೋತ್ತಮ – ಶ್ರೀಮನ್ನಾರಾಯಣರು ಪುರುಷೋತ್ತಮರು (ಎಲ್ಲಾ ಆತ್ಮಗಳಿಗಿಂತಲೂ ಉತ್ತಮವಾಗಿರುವ)
ಪಂಚದಶ ಉದಿತಃ – ಹದಿನೈದನೆಯ ಅಧ್ಯಾಯದಲ್ಲಿ ಹೇಳಿದ್ದಾರೆ.

ಸರಳ ವಿವರಣೆ

ಹದಿನೈದನೆಯ ಅಧ್ಯಾಯದಲ್ಲಿ ಪುರುಷೋತ್ತಮನಾದ ಶ್ರೀಮನ್ನರಾಯಣರ ಬಗ್ಗೆ ಹೇಳಲಾಗಿದೆ. ಅವರು ಶರೀರಕ್ಕೆ ಅಂಟಿಕೊಂಡಿರುವ ಬದ್ಧ ಜೀವಾತ್ಮಗಳಿಗಿಂತಲೂ (ಬಂಧಿತ ಆತ್ಮ) ಮೇಲು. ಮತ್ತು ತಮ್ಮ ಪ್ರಾಕೃತ ಶರೀರವನ್ನು ಬಿಟ್ಟಿರುವ ಮುಕ್ತ ಜೀವಾತ್ಮ(ಮುಕ್ತಾತ್ಮ)ಗಳಿಗಿಂತಲೂ ಮೇಲು. ಶ್ರೀಮನ್ನಾರಾಯಣರು ಅವರಿಗಿಂತಲೂ ವಿಭಿನ್ನರಾದವರು. ಎಲ್ಲವನ್ನೂ ವ್ಯಾಪಿಸಿಕೊಂಡಿರುವವರು , ಎಲ್ಲರನ್ನೂ ಸಹಿಸಿಕೊಂಡಿರುವವರು ಮತ್ತು ಎಲ್ಲರಿಗೂ ಸ್ವಾಮಿಯಾಗಿರುವವರು ಎಂದು ಹೇಳಲಾಗಿದೆ.

ಶ್ಲೋಕ – 20

ದೇವಾಸುರವಿಭಾಗೋಕ್ತಿ ಪೂರ್ವಿಕಾ ಶಾಸ್ತ್ರವಶ್ಯತಾ।
ತತ್ವಾನುಷ್ಠಾನ ವಿಜ್ಞಾನ ಸ್ತೇಮ್ನೇ ಷೋಡಶ ಉಚ್ಯತೇ ॥

pramanam-sastram

ಕೇಳಿ

ಪದದಿಂದ ಪದಗಳ ಅರ್ಥ

ತತ್ವ ಅನುಷ್ಠಾನ ವಿಜ್ಞಾನ ಸ್ತೇಮ್ನೇ – ಸತ್ಯದ ಅರಿವನ್ನು ಸ್ಥಾಪಿಸಲುಹೊಂದಬಹುದು (ಯಾವುದನ್ನು ಸೇರಬೇಕೋ) ಮತ್ತು ಆ ಪ್ರಕ್ರಿಯೆಯನ್ನು ಅಭ್ಯಾಸ ಮಾಡುವುದು (ಅದರಿಂದ ಗುರಿಯನ್ನು ಹೊಂದಬಹುದು)
ದೇವ ಅಸುರ ವಿಭಾಗ ಉಕ್ತಿ ಪೂರ್ವಿಕಾ – ದೇವ ಮತ್ತು ಅಸುರರನ್ನು ವಿಂಗಡಿಸುವ ಕ್ರಿಯೆ ಆದಮೇಲೆ (ಮನುಷ್ಯರಲ್ಲಿ)
ಶಾಸ್ತ್ರವಶ್ಯತಾ – ಶಾಸ್ತ್ರದಿಂದ ಬಂಧಿಸಲ್ಪಟ್ಟ ಸತ್ಯ
ಷೋಡಶ ಉಚ್ಯತೇ – ಹದಿನಾರನೆಯ ಅಧ್ಯಾಯದಲ್ಲಿ ಹೇಳಲಾಗಿದೆ

ಸರಳ ವಿವರಣೆ

ಹದಿನಾರನೆಯ ಅಧ್ಯಾಯದಲ್ಲಿ, ಮನುಷ್ಯರನ್ನು ದೇವ (ಸಾಧು) ಮತ್ತು ಅಸುರ (ಕ್ರೂರಿ) ರನ್ನಾಗಿ ವಿಂಗಡಿಸಿದ ಮೇಲೆ , ಸತ್ಯದ ಜ್ಞಾನವನ್ನು ಸ್ಥಾಪಿಸಲು (ಸತ್ಯವನ್ನು ಹೊಂದಬೇಕಾದರೆ) , ಆ (ಭಕ್ತಿಯೋಗದ) ಪ್ರಕ್ರಿಯೆಯನ್ನು ಅಭ್ಯಾಸಿಸಬೇಕು. (ಗುರಿಯನ್ನು ತಲುಪಲು) . ಈ ಶಾಸ್ತ್ರದಿಂದ ಬಂಧಿಸಲ್ಪಟ್ಟ ಮನುಷ್ಯರ ಬಗ್ಗೆ ಹೇಳಲಾಗಿದೆ.

ಶ್ಲೋಕ – 21

ಅಶಾಸ್ತ್ರಮಾಸುರಮ್ ಕೃತ್ಸ್ನಮ್ ಶಾಸ್ತ್ರೀಯಮ್ ಗುಣತಃ ಪೃಥಕ್ ।
ಲಕ್ಷಣಮ್ ಶಾಸ್ತ್ರಸಿದ್ಧಸ್ಯ ತ್ರಿಧಾ ಸಪ್ತದಶೋಧಿತಮ್ ॥

bhagavan

ಕೇಳಿ

ಪದದಿಂದ ಪದಗಳ ಅರ್ಥ

ಕೃತ್ಸ್ನಮ್ ಅಶಾಸ್ತ್ರಮ್ – ಶಾಸ್ತ್ರದಲ್ಲಿ ಹೇಳದಿರುವ ಚಟುವಟಿಕೆಗಳು
ಆಸುರಮ್ – ಅವುಗಳು ಅಸುರರಿಗಾಗಿ (ಕ್ರೂರತನದಿಂದ ತುಂಬಿದೆ) (ಆದ್ದರಿಂದ ಅವು ಉಪಯೋಗರಹಿತವಾಗಿದೆ)
ಶಾಸ್ತ್ರೀಯಮ್ – ಶಾಸ್ತ್ರದಲ್ಲಿ ಹೇಳಿರುವ ಚಟುವಟಿಕೆಗಳು
ಗುಣತಃ – ಗುಣಗಳಿಂದ (ಸತ್ವ, ರಜಸ್ ಮತ್ತು ತಮಸ್)
ಪೃಥಕ್ – ಮೂರು ವಿಧಗಳಲ್ಲಿ ಇರುತ್ತದೆ
ಶಾಸ್ತ್ರ ಸಿದ್ಧಸ್ಯ – ಯಾಗ ಮುಂತಾದ ಶಾಸ್ತ್ರದಲ್ಲಿ ಹೇಳಿರುವ ಚಟುವಟಿಕೆಗಳು
ತ್ರಿಧಾ ಲಕ್ಷಣಮ್ – ಪದಗಳು “ಓಮ್ ತತ್ ಸತ್” (ಇವುಗಳನ್ನು ಕೂಡಿಸಿ ಹೇಳಿದಾಗ, ಇವುಗಳು ಬೇರೆ ಚಟುವಟಿಕೆಗಳಿಂದ ಅಂತಹವನ್ನು ಗುರುತಿಸಿ ಕೊಟ್ಟು ಬೇರ್ಪಡಿಸುತ್ತವೆ.
ಸಪ್ತದಶ ಉದಿತಮ್ – ಹದಿನೇಳನೆಯ ಅಧ್ಯಾಯದಲ್ಲಿ ಹೇಳಲಾಗಿದೆ.

ಸರಳ ವಿವರಣೆ

ಹದಿನೇಳನೆಯ ಅಧ್ಯಾಯದಲ್ಲಿ ಶಾಸ್ತ್ರದಲ್ಲಿ ಸೂಚಿಸದಿರುವ ಚಟುವಟಿಕೆಗಳು (ಕ್ರಿಯೆಗಳು) ಅಸುರರಿಗಾಗಿ (ಕ್ರೂರತನವನ್ನು ಹೊಂದಿರುವವರಿಗೆ) ಮತ್ತು ಅವುಗಳು ಉಪಯೋಗರಹಿತವಾಗಿವೆ. ಶಾಸ್ತ್ರದಲ್ಲಿ ಹೇಳಿರುವ ಕ್ರಿಯೆಗಳು ಮೂರು ಗುಣಗಳ ಮೇಲೆ ಅವಲಂಬಿಸಿವೆ – ಅವು ಸತ್ವ, ರಜಸ್ ಮತ್ತು ತಮಸ್. ಮೂರು ವೈವಿಧ್ಯಮಯವಾಗಿ ಇರುತ್ತವೆ. ಯಾಗ ಮುಂತಾದ ಕ್ರಿಯೆಗಳು ಶಾಸ್ತ್ರದಲ್ಲಿ ಹೇಳಿರುವ ಹಾಗೆ ಮುಂತಾದುವುಗಳು. “ಓಮ್ ತತ್ ಸತ್” – ಇವುಗಳನ್ನು ಕೂಡಿಸಿ ಹೇಳಿದಾಗ, ಇವುಗಳು ಬೇರೆ ಕ್ರಿಯೆಗಳಿಂದ ಅಂತಹ ಕ್ರಿಯೆಗಳನ್ನು ಗುರುತಿಸಿ ಬೇರ್ಪಡಿಸುತ್ತವೆ. ಎಂದು ಹೇಳಲಾಗಿದೆ.

ಶ್ಲೋಕ – 22

ಇಶ್ವರೇ ಕರ್ತೃತಾ ಬುದ್ಧಿಸ್ಸತ್ವೋಪಾಧೇಯ ತಾಂತಿಮೇ ।
ಸ್ವಕರ್ಮ ಪರಿಣಾಮಶ್ಚ ಶಾಸ್ತ್ರಸಾರಾರ್ಥ ಉಚ್ಯತೇ॥

azhwar-thiruvadi-thozhal
ಪ್ರಾಯೋಗಿಕವಾಗಿ ತೋರಿಸಲ್ಪಟ್ಟ ಶರಣಾಗತಿ ಕ್ರಿಯೆಯು ನಮ್ಮಾೞ್ವಾರ್ನಿಂದ ಶ್ರೀ ರಂಗನಾಥರಿಗೆ

ಕೇಳಿ

ಪದದಿಂದ ಪದಗಳ ಅರ್ಥ

ಇಶ್ವರೇ ಕರ್ತೃತಾ ಬುದ್ಧಿಃ – ಎಲ್ಲಾ ಕ್ರಿಯೆಗಳೂ ಭಗವಂತನಿಂದಲೇ ಮಾಡಲ್ಪಡುವುವು
ಸತ್ವ ಉಪಾದೇಯತಾ – ಸತ್ವ ಗುಣವನ್ನು (ಶಾಂತ ಮನಸ್ಸನ್ನು) ಹೊಂದಬೇಕು
ಸ್ವಕರ್ಮ ಪರಿಣಾಮಃ – ಮುಕ್ತಿಯೇ ಶುದ್ಧ ಮನಸ್ಸಿನ (ಸತ್ವಗುಣ) ಕ್ರಿಯೆಯ ಪರಿಣಾಮ ( ಈ ಕಟ್ಟಳೆಗೆ ಅನುಸಾರವಾಗಿ ಮಾಡಿದಾಗ)
ಶಾಸ್ತ್ರಮ್ ಸಾರಾರ್ಥಃ ಚ – ಭಕ್ತಿ ಮತ್ತು ಪ್ರಪತ್ತಿ ಗೀತಾಶಾಸ್ತ್ರದ ಸಾರವಾಗಿದೆ.
ಅಂತಿಮೇ – ಹದಿನೆಂಟನೆಯ ಅಧ್ಯಾಯದಲ್ಲಿ
ಉಚ್ಯತೇ – ಹೇಳಲಾಗಿದೆ.

ಸರಳ ವಿವರಣೆ

ಗೀತಾ ಶಾಸ್ತ್ರದ ಕೊನೆಯಲ್ಲಿ (ಹದಿನೆಂಟನೆಯ ಅಧ್ಯಾಯದಲ್ಲಿ) ಎಲ್ಲಾ ಕ್ರಿಯೆಗಳೂ ಭಗವಂತನಿಂದಲೇ ಮಾಡಲ್ಪಟ್ಟಿವೆ. ಸತ್ವಗುಣಮ್ (ಶಾಂತ ಮನಸ್ಸಿನ ಸ್ವರೂಪವನ್ನು) ಹೊಂದಬೇಕು ಮತ್ತು ಮುಕ್ತಿಯೇ ಅಂತಹ ಸತ್ವಗುಣದ ಫಲಿತಾಂಶವಾಗಿದೆ. (ಈ ಕಟ್ಟಳೆಗೆ ಅನುಸಾರವಾಗಿ ಮಾಡಿದಾಗ). ಭಕ್ತಿ ಮತ್ತು ಪ್ರಪತ್ತಿ ಗೀತಾಶಾಸ್ತ್ರದ ಸಾರವಾಗಿದೆ ಎಂದು ಹೇಳಲಾಗಿದೆ.

ಅಡಿಯೇನ್ ಕುಮುದವಲ್ಲಿ ರಾಮಾನುಜ ದಾಸಿ

ಮೂಲ :- http://githa.koyil.org/index.php/githartha-sangraham-5/

ಆರ್ಕೈವ್ ಮಾಡಲಾಗಿದೆ –  http://githa.koyil.org

ಪ್ರಮೇಯಂ (ಲಕ್ಷ್ಯ) – http://koyil.org
ಪ್ರಮಾಣಂ (ಧರ್ಮಗ್ರಂಥಗಳು) – http://granthams.koyil.org
ಪ್ರಮಾತಾ (ಭೋಧಕರು) – http://acharyas.koyil.org
ಶ್ರೀವೈಷ್ಣವ ಶಿಕ್ಷಣ/ಮಕ್ಕಳ ಪೋರ್ಟಲ್ – http://pillai.koyil.org