శ్రీ: శ్రీమతే శఠకోపాయ నమ: శ్రీమతే రామానుజాయ నమ: శ్రీమత్ వరవరమునయే నమ:
శ్లోకం
సంజయ ఉవాచ
ఏవముక్త్వార్జునః సఙ్ఖ్యే రథోపస్థ ఉపావిశత్ ।
విసృజ్య సశరం చాపం శోకసంవిగ్నమానసః ॥
ప్రతి పదార్థం
సంజయః ఉవాచ – సంజయుడు పలికెను
సఙ్ఖ్యే – యుద్ధరంగమునందు
ఏవమ్ ఉక్త్వా – ఈ విధముగా పలికి
శోక-సంవిగ్న-మానసః – శోకముచేత కలతచెందిన మనస్సు గలవాడై
స-శరమ్ చాపమ్ – బాణములతో కూడిన ధనుస్సును
విసృజ్య – క్రింద పారవేసి (విడిచిపెట్టి)
అర్జునః – అర్జునుడు
రథ-ఉపస్థే – రథము యొక్క వెనుక భాగమునందు
ఉపావిశత్ – కూర్చుండెను
తాత్పర్యం
ఈ విధంగా అర్జునుడు పలికి శోకంతో నిండిన మనస్సుతో, తన ధనుర్బాణాలను క్రింద పడవేసి, యుద్ధరంగంలో తన రథంపై చతికిలబడ్డాడు. ఈ విధంగా సంజయుడు ధృతరాష్ట్రుడితో పలికెను.
అడియేన్ శ్రీ తేజ రామానుజ దాసి
మూలము : https://githa.koyil.org/index.php/1-47
పొందుపరచిన స్థానము – https://githa.koyil.org
ప్రమేయము (గమ్యము) – https://koyil.org
ప్రమాణము (ప్రమాణ గ్రంథములు) – https://granthams.koyil.org
ప్రమాత (ఆచార్యులు) – https://acharyas.koyil.org
శ్రీవైష్ణవ విద్య / పిల్లల కోసం– https://pillai.koyil.org